LOTAN ak Ikrèn pral fè chita tande dijans Madi semèn pwochèn apre Larisi te atake yon vil santral ak yon misil balistik sipèsonik ki te chofe lagè a pi plis toujou apre 33 mwa.
Premye Minis Polòy la Donald Tusk di konfli a antre "nan yon faz desizif".
Palman Ikrenyen an anile yon sesyon Vandredi sou menas sekirite a.
Nan yon avètisman sevè li lanse, Prezidan Ris la, Vladimir Putin deklare nan yon diskou televize ke atak Jedi a ak misil Oreshnik pòte entèmedyè a sete reprezay pou misil Ameriken ak Britanik Kyèv te lanse sou teritwa Ris.
Pòtpawòl Kremlen an, Dmitry Peskov bò kote pa li blame "desizyon ak aksyon lach l Oksidan" kap founi Ikrèn zam.
