Etazini pral pèmèt Ikrèn sèvi ak min anti-pèsonèl Ameriken kont twoup Ris yo, dapre sa Sekretè Defans Ameriken Lloyd Austin fè konnen. Misye di sa pral ede Ikrèn ralanti pwogrè Larisi ap fè sou chan d batay la.
" Min teres nou ta ba yo tap min ki pa pesistan savledi nou ka kontwole kile yo aktive, eksploze e sa rann yo bokou pi su pase kalite aparey yap fabrike poukont yo."
Se dezyèm gwo chanjman nan politik li vizavi Ikrèn ke Washington anonse semèn sa a. Pi bonè li te deside kite Ikrèn sible teritwa Ris ak misil Ameriken.
Lagè a depase mil jou apati Madi e pou pi fo Larisi ap vale teren.
Lame Ris la pi gran pase pa Ikrèn nan, sa ki fose Ikrenyen yo fè bak nan rejyon Donetsk la kote sivil Ikrenyen yo ap fè fas ak atak dron Ris epi misil tout tan. Dron ak misil sa yo soti andedan Larisi.
Etazini ak lot anbasad Oksidantal yo nan Kyèv te fèmen pot yo Mèkredi apre Larisi te menase pou l lanse yon kokenn chenn frap ayeryen.
