Jedi 14 novanm 2024 la, Fondation Dynastie nan Monreyal te chita pale ak reyalizatris la, Maryse Legagneur ak Marie-Evelyne Lessard, aktris prensipal fiksyon sa a ki te domine atktyaliye sinema a nan mwa septanm ki sot pase a.
Carla Beauvais ansanm ak Tracy Paulotte t anime chita pale sa a ki te fèt aprè pwojeksyon « Le dernier repas » a nan lokal fondasyon an ki chita kò l nan 8557 Boul. Saint-Laurent.
« Le dernier repas » ki dire 110 minit, fèt nan lang franse ak kreyòl. Li te soti nan sinema 27 septanm 2024. Li te ranpòte Grand Prix FCVQ nan 13e edisyon Festival de cinéma de la ville du Québec.
Li te ranpòte tou nan menm mwa septanm nan Prix du meilleur long métrage de fiction nan 20e Festival International du Film Black de Montréal, ki te gen kòm « président d’honneur » ane sa a sineyas ak pwodiktè ameriken an, Spike Lee.
