Mike Tyson patka tann pou l mete gan boks li pou l souflete opozan li - enfliyansè Jake Paul nan moman yo tap monte sou balans pou mezire pwa yo Jedi nan Arlington, Texas.
Tyson bay misye yon kalòt.
Boksè lejandè nwa Ameriken an, ki gen 58 an ap tounen sou pis bòks la kote li pral goumen nan premye match pwofesyonèl li depi 19 an. Gen anpil fanatik ki gen tan achte biyè pou suiv match la nan stad AT&T a jodi Vandredi a.
Tyson, ki peze 228,4 liv te pwoche Paul, 27 an, tou suit epi ba li yon gwo kalòt - apre sa li deklare "Pawol Fini."
Paul te vin gen renome sou YouTube apre li te tounen boksè sa gen 4 an desa. Misye te joure byen joure Tyson epi simen betiz sou li pa rapò ak jan li gen entansyon ratibwaze Tyson, ki fini karye li ak 44 nakawout.
Fanatik yo ka suiv match bòks la an dirèk sou Netflix aswè a. Rezo a gen plis pase 280 milyon abone.
