Embiid ta bouskile yon kwonikè nan Philadelphia Inquirer ki te ekri yon kòmantè kritik sou li, ki te fè referans a pitit li ak frè li ki mouri.
“Nou okouran rapò ki fèt sou yon ensidan nan vestyè Sixers yo aswè a e nou kòmanse yon envestigasyon,” se sa yon pòtpawòl NBA di selon medya ameriken yo.
Embiid, ki se meyè jwè NBA an 2023, ki genyen tou meday lò nan JO Paris a ak Etazini pandan ete a, pa jwe ditou sezon sa a akoz yon blesi nan jenou.
Absans li lakoz Sixers yo mal kòmanse sezon an kote yo deja pèdi kat match sou senk, yo pèdi lakay yo samdi kont Memphis (124-107).
Jounalis ESPN Shams Charania te deklare apre dènye defèt sa a, Embiid te angaje nan yon “bouch louvri” ak jounalis, , Marcus Hayes, ki te ekri atik kritik la nan Inquirer.
Embiid te opoze ak yon atik resan ki te fè referans a frè li ki mouri ak pitit li, e li te bouskile jounalis la. “Pa t gen okenn kout pwen ki tire,” Charania te eksplike.
Nan yon editoryal resan ki konsakre a pwoblèm blesi repete Embiid, Hayes te remete an kesyon angajman sipèsta Sixers la pou "dimansyon" li nan espò. “Joel Embiid souvan pale de nesans pitit li, Arthur, kòm eleman chanjman ki pi enpòtan nan karyè baskèt li,” Hayes te ekri.
“Li souvan di li vle fè gwo bagay pou kite yon eritaj pou ti gason li ki pote non ti frè l, ki te mouri trajikman nan yon aksidan machin pandan Embiid te nan premye ane li nan Sixer nan oktòb 2014,” selon tèks la.
“Pou ou ka ekselan nan travay ou, ou dwe anvan tout bagay prezan nan travay la. Embiid te montre l gran nan tout bagay sof sa a” Hayes te ajoute.
