Mwayen Oryan
Etazini Pral Bay "Ide Konkrè" pou Tansyon Yo Poze Sou fwontyè Liban-Izrayèl la
Dapre sa yon responsab ameriken fè konnen nan yon deklarasyon lendi 23 septanm 2024, Etazini ap gen pou l prezante pandan Asanble Jeneral Nasyon Zini an "ide konkrè" pou bese tansyon ki gen sou fwontyè ant Izrayèl ak Liban an.
E yo pap dakò pou izrayelyen yo itilize tèritwa Liban an pou atake Ezbola.
Responsab la a te di nan New York "Nou gen ide konkrè nou pral diskite semènn sa a ak alye, patnè nou yo."
Frap izrayelyen kont Ezbola a te lakòz omwen 492 moun pèdi lavi yo nan sid peyi Liban lendi, pami yo 35 timoun dapre sa otorite peyi a rapòte.
See all News Updates of the Day
- Serge Michel
Klonfli nan Mwayen Otyan
Menas ke Izrayèl ap fè pou vanje frap misil ke Iran te lanse kont li Premye Oktòb la ap soulve enkyetid kòmkwa ka gen yon konfwontasyon nikleyè nan rejyon an.
Etazini di Izrayel Fòk li Ogmante Asistans Imanite pou Moun Gaza yo
Administrasyon Biden nan lanse avètisman by Israel pou di fòk li ogmante kantite asistans imanitè lap kite antre Gaza nan pwochen 30 jou yo si li pa vle riske pèdi aksè ak finansman pou zam Ameriken.
Sekretè d Eta Antony linken ak Sekretè Defans Lloyd Austin avèti tokay Izrayelyen yo sou sa nan yon lèt Dimanch. Yo di fòk chanjman sa yo fèt.
Pòt pawòl Depatman Deta a Matthew Miller deklare Madi ke yon lèt konsa Blinken te voye bay otorite Izrayelyen yo nan mwad Avril la te debouche sou plis asistans pou teritwa Palestinyen an.
Sepandan sa pa dire.
Miller di 2 lidè yo te vle di klèman pou Izrayèl konprann ke fòk li fè chanjman ankò, epi ogmante kantite asistans kap antre a, ki pou kounyea nan nivo ki "trè, trè ba."
Izrayèl Bay Otorite Ameriken yo Garanti, li P ap Frape Sit Nikleyè Oubyen Sit Petwòl Iranyen yo
WASHINGTON (AP) — Otorite ameriken yo di administrasyon Biden kwè ke li jwenn garanti nan men Izrayèl, ke yo pa pral atake sit nikleyè oswa sit petwòl Iranyen yo pandan li pral tire revanj apre Iran te fè atak misil nan kòmansman mwa sa a sou Izrayèl.
Ofisyèl yo, ki te pale san yo pa t vle non yo site, pandan yo t ap diskite sou kesyon diplomatik prive, yo te avèti angajman an pa yon bagay san fay, sikonstans yo ka chanje nenpòt moman.
Ofisyèl yo te fè remake Izrayèl toujou nan woule m de bò nan sa ki konsène respekte ak bay garanti li ap respekte sa li di yo.
Biwo Premye Minis Izrayelyen an Benjamin Netanyahu te di "nou koute opinyon Etazini yo, men nou pral pran desizyon final nou ki baze sou enterè nasyonal nou yo."
Kominote Entènasyonal la Kondane Atak Izrayèl la
Izrayèl bay Etazini garanti ke li pap atake ni sit nikleyè ni enslatasyon petwolye Iran .
Konsèy Sekirite LONU Eksprime Gwo Kè Sote Pa Rapò ak Atak Izrayèl Lanse kont UNIFIL
Konsey Sekirite Nasyonzuni eksprime gwo ke sote li genyen nan moman Izrayel lanse atak kont epi blese manm fos mentyen lape LONU nan sid Liban pandan lap entanfisye bagay li. LONU reitere ke moun sa yo ap jwe yon wol sipò pou ranfòse sekirite rejyon an.
Deklarasyon LONU pibliye Lendia se premye deklarasyon ajans Nasyonzuni ki gen plis pouvwa a pibliye depi Izrayel te pran tire sou pozisyon fòs mentyen lape ki rele UNIFIl la.
Chef fòs mentyen lape LONU an di jounalis yo ke Sekrete Jeneral Antonio Guterres konfime Lendi ke sòlda mentyen lape yo pral rete nan tout pozisyon yo malgre Izrayel lanse apel ba yo pou yo pran direksyon nò a.
Izrayel ogmante kanpay li kont Hezbollah nan Liban atrave teritwa LONU jere ki sitye ant Izrayel ak Liban.
Facebook Forum