Venezyela
Venezyela: Otorite yo Fouke yon 4yèm Ameriken
Yon katriyèm Ameriken jwenn arestasyon li nan Karakas pou yon swadizan konplo pou "asasine" Prezidan Nicolas Maduro, dapre sa otorite Venezyelyen yo di epi yo denonse "entèferans" Inyon Ewopeyen an ak Espay nan zafè sa a.
Madi Minis Enteryè a , Diosdado Cabello ki te devan Palman an te di "Yo te kaptire yon lòt sitwayen ki soti nan Amerik di Nò (...), nou t ap swiv li, nou te fouke li isit nan Caracas li tap pran foto enstalasyon elektrik, enstalasyon gaz, inite militè".
"mwen sèten ke li fè pati nan konplo a kont Venezyela: pou asasinen Prezidan Nicolas Maduro, (Vis Prezidan) Delcy Rodriguez ak mwen".
Otorite Venezyelyen yo te anonse samdi arestasyon 3 Ameriken, 2 Espayòl ak yon Tchekoslovaki, e yo te sezi anviwon 400 fizi ki soti Etazini.
Lè sa a, Mesye Cabello te pale de yon swadizan plan ki gen entansyon "jenere vyolans" ak "destabilize" peyi a.
Li pa klè ki kote 7 etranje sa yo yo te jwenn arestasyon yo, ki akizasyon yo te pote kont yo ak si yo te prezante pa avoka yo e si yo ale devan yon jij malgre ensistans soti nan Washington, Madrid ak Prag.
Arestasyon sa yo vini nan yon kontèks kote gen gwo tansyon ant Venezyela ak Etazini, osi byen ke ak Espay, sou re-eleksyon Prezidan Maduro ke yo konteste.
Jiskaprezan peyi Inyon Ewopeyen yo refize rekonèt yon ganyan nan eleksyon prezidansyèl 28 jiyè a, alòske Washington rekonèt kandida opozisyon an Edmundo Gonzalez Urrutia kòm prezidan eli.
See all News Updates of the Day
Venezyela: Tansyon yo Ogmante Anvan Envestiti Prezidan Maduro
Opozisyon ak patizan pouvwa a lanse manifestassyon, deplwaman fòs lame nan Karakas, plan sekirite inik, arestasyon "mèsenè’’ Venezyela ap viv yon moman tansyon kèk èdtan anvan envestiti prezidan Nicolas Maduro vandredi, viktwa li a sòti nan magouy dapre opozisyon an.
"Se volonté Bondye toupisan, se volonte pèp nou an ki fè m isit la," se sa Maduro di, pandan li pare pou kòmanse yon twazyèm manda youn apre youn lòt.
Palman an, kote pouvwa a gen yon majorite total paske opozisyon an te bòykote eleksyon lejislatif 2020, envite Maduro vandredi a midi (16:00 GMT) pou seremoni envestiti a devan depite yo.
Men opozisyon an, ki reklame viktwa nan eleksyon 28 jiyè, ap mande pou gen manifestasyon nasyonal jedi an favè "prezidan eli" Edmundo Gonzalez Urrutia pou eseye kraze prestasyon sèman an.
Pouvwa a reponn apèl sa a tou nan rasanble sipòtè li yo pandan li deplwaye fòs masiv nan Karakas.
Lame, polis, milis, ajan sèvis entèlijans, colectivos (paramilitè) ap sikile nan vil la pafwa ak mask, epi televizyon piblik la ap montre imaj fòs lòd yo regilyèman.
Prezidan Maduro lanse yon plan militè-polis nasyonal, pandan otorite yo deja fè yon deplwaman fòs sekirite masiv nan kapital la, Karakas. Plan sa a gen ladann "tout fòs ame yo, milis la ak tout fòs polis yo."
Minis enteryè a, Diosdado Cabello, pwomèt pou l kanpe an kanson fè: "Faschis! Teyoris! Si nou oze fè yon bagay, n ap fè w peye pou sa tout rès vi nou, paske n ap defann Palè a, men apre sa n ap mache pran w."
Gonzalez Urrutia Di Sòlda Venezyela yo "Mwen Dwe Asime wòl Komandan an Chèf Mwen"
Opozan venezyelyen an, Edmundo Gonzalez Urrutia, ki reklame viktwa nan eleksyon prezidansyèl yo, fè sòlda yo konnen dimanch li dwe "pran wòl komandan an chèf la" 10 janvye, jou yo pwograme envestiti Nicolas Maduro, ki pwoklame kòm gayan eleksyon yo.
"Dapre konstitisyon an (...) mwen dwe pran wòl komandan an chèf" lame a 10 janvye, se sa ansyen anbasadè a, ki gen 75 lane, ki te reprezante opozisyon an pandan eleksyon prezidansyèl 28 jiyè a deklare.
Fòs lame a konsidere kòm yon potomitan pou pouvwa prezidan Maduro. Chèf lame a te fè sèman plizyè fwa "fidèlite" ak prezidan sosyalis la, malgre eleksyon li yo ki plen ak magouy selon opozisyon an e yon gwo pati nan kominote entènasyonal la pa rekonèt yo.
Lame a te patisipe aktivman nan represyon manifestasyon ki te swiv pwoklamasyon reyeleksyon Maduro pou yon twazyèm manda.
"Fòs lame nasyonal nou an dwe yon garanti pou souverènte ak respè volonte pèp la. Se devwa nou pou aji ak onè, merit ak konsyans (...) Li nesesè pou mete fen nan yon lidèchip ki vle defòme prensip fondamantal ak moral fòs lame nou an," li ajoute nan videyo sa a, ki te difize depi Washington, twazyèm etap nan yon vwayaj diplomatik apre Buenos Aires ak Montevideo.
"Se moman pou nou reyafime angajman nou anvè patri a. Apati 10 janvye, nou dwe aji ak detèminasyon ak inite pou pwoteje Venezyela nou an. Misyon nou se retabli souverènte popilè ki te manifeste nan vòt yo," li di.
Apèl sa a sòti sèlman kèk èdtan apre chèf opozisyon an, Maria Corina Machado, ankouraje pou manifeste jedi, jou anvan envestiti a.
- Serge Michel
Venezyela ap Ofri 100.000 Dola pou Arete Opozan Gonzalez Urrutia
Opozan venezyelyen an egzil, Edmundo Gonzalez Urrutia, ki reklame viktwa nan eleksyon 28 jiyè a fas ak Prezidan Nicolas Maduro, ap vwayaje pou ale Ajantin, pandan otorite venezyelyen yo ofri yon rekonpans 100.000 dola pou nenpòt enfòmasyon ki ka ede yo kaptire li.
Opozan Venezelyen Edmundo Gonzalez Urrutia sou Wout pou Ajantin
Opozan venezelyen an, Edmundo Gonzalez Urrutia, ki reklame viktwa nan eleksyon 28 jiyè a kont prezidan Nicolas Maduro, ap vwayaje soti Madrid kote li t ap viv an egzil, pou l al nan Ajantin, selon yon sous nan prezidans Ajantin nan ki te fè anons la nan jedi.
M. Gonzalez dwe rive nan kèk èdtan nan Buenos Aires, sous la konfime pou AFP, san bay plis detay sou opozan an, ki te pwomèt pou l retounen nan peyi l pou "pran fonksyon li" 10 janvye kote Caracas fè konnen l ap ofri 100,000 dola pou arestasyon li.
Venezyela ap Ofri 100.000 Dola pou Arete Opozan Gonzalez Urrutia
Opozant venezyelyen an egzil, Edmundo Gonzalez Urrutia, ki reklame viktwa nan eleksyon 28 jiyè a fas ak Prezidan Nicolas Maduro, ap vwayaje pou ale Ajantin, pandan otorite venezyelyen yo ofri yon rekonpans 100.000 dola pou nenpòt enfòmasyon ki ka ede yo kaptire li.
M. Gonzalez Urrutia, ki nan egzil an Espay depi mwa septanm, e ki te pwomèt pou tounen nan peyi li pou "pran fonksyon li" 10 janvye a nan plas Nicolas Maduro, dwe rive nan kèk èdtan nan Buenos Aires, yon sous nan prezidans ajantinen te di AFP, san bay plis detay.
Facebook Forum