Taylor Swift ranpòte pi gwo pri a nan seremoni remiz pri Videyo Mizikal MTV Mèkredi swa. Swift pran twofe pou videyo ane a pou "Fortnight" yon mizik li chante ak Post Malone.
Swift remèsye menaj li, foutbolè Travis Kelce, epi mande fanatik li yo pou yo enskri pou vote nan eleksyon prezidansyèl la.
Swift tounen lakay li ak 7 pri o total, sa ki mete kantite pri MTV li ranpòte nan karyè li a 30.
Savledi Swift egal ego ak rekò Beyonce kòm mizisyen ki ranpòte plis pri nan listwa seremoni remiz pri VMA yo.
Chantez Sabrina Carpenter limenm ranpote pri Videyo Mizikal MTV pou tub ane a "Espresso".
Katy Perry te pèfome tou epi aksepte pri Video Vanguard la, ke patnè li, aktè Britanik Orlando Bloom te remèt ba li.
Atis Chappel Roan ranpòte pri pou meyè nouvo atis.
