Mesye Maduro te deklare Lendi pandan emisyon televizyon li a "An omaj pou ou, nan rekonesans pou ou, mwen pral dekrete yon fèt Nwèl pi bone kap kòmanse 1ye Oktòb".
Anvan sa, li te di ke li tap selebre "lapè" ki tabli nan peyi a apre "atak kriminèl yo" kont gouvènman l 'yo. "Nwèl kòmanse nan 1ye oktòb pou tout moun Nwèl te vini ak lapè, kontantman ak sekirite”.
Maduro abitye ak reyalite sa a, ane pase a li te deja avanse kòmansman fèt Nwèl la nan 1ye novanm, e li te deja "lanse" festivite Nwèl yo nan mwa oktòb pandan ane 2019 ak 2020.
Ane sa a, Maduro anonse avansman dat pou kòmanse fèstivite yo (avèk dekorasyon an patikilye) pandan peyi a toujou plonje nan yon kriz apre eleksyon an.
