Mwayen Oryan
Fòs Izrayelyen yo Lanse yon 'Operasyon Konplèks' pou Libere yon Otaj nan Gaza
Fos Izrayelyen yo lanse yon "operasyon konplèks" pou libere yon otaj nan Gaza, dapre sa militè a rapote Madi.
Hamas te kidnape Qaid Farhan Aldadi pandan atak 7 Oktob ki te deklanche konfli Gaza a. Fanmi misye te kontan a mo e yo te kouri ale nan lopital kote lame a te mennen misye apre yo te resevwa nouvèl sou operasyon sekou a.
Sa te pote yon moman lajwa ki ra pou Izrayelyen yo apre prèske 11 mwa lagè. Plizyè douzèn otaj toujou nan men Hamas malgre jefo entènasyonal kap dewoule pou jwenn yon seselfe epi sekirize liberasyon yo.
Ministè Sante Gaza a di ofansiv Izrayèl la touye plis pase 40 mil moun. Lagè a te tanmen apre militan Hamas yo te atake sid Izrayèl 7 Oktob epi touye 1,200 moun - pi fo pami yo sete sivil epi pran apepre 250 moun an otaj.
See all News Updates of the Day
Washington Mande Teheran pou l pa Ogmante Tansyon apre Eksplozyon Liban an
Madi, Etazini te mande Iran pou evite nenpòt aksyon ki ta ogmante tansyon apre eksplozyon yon bipè ki te blese plizyè santèn manm Hezbollah nan peyi Liban, ansanm ak anbasadè Iran an nan Beyrouth.
Pòtpawòl diplomasi Ameriken an, Matthew Miller, deklare, "Nou ankouraje Iran pou l pa sèvi ak mwendr evènman an pou eseye alimante enstabilite ak ogmante tansyon nan rejyon an. "
Etazini Eksprime Fristrasyon Li Kont Izrayèl Konsènan Atak Gaza a
NASYON ZINI (AP) — Anbasadè Ameriken an nan Nasyonzini akize militè Izrayelyen an pou atak li fè kont lekòl, travayè imanitè ak sivil nan Gaza.
Se yon siy fristrasyon Etazini genyen kap grandi ak youn nan alye ki pwòch li pandan lagè a ap pwoche nan premye anivèsè li.
Izrayèl toujou di plizyè fwa ke atak li yo vize militan Hamas, ki souvan kache pami sivil yo epi sèvi ak yo kòm boukliye.
Gouvènman Izrayelyen an lanse operasyon sila nan Gaza an revanj ak atak 7 oktòb yo ki te fè nan sid Izrayèl ke gwoup Hamas la te lanse.
Nan yon reyinyon Konsèy Sekirite Nasyonzini an Lendi, Anbasadè Ameriken Linda Thomas-Greenfield te pale byen klè kont fós militè Izrayelyen an.
Li di ke anpil nan dènye atak yo menen ki te blese oswa koze lanmò pèsonèl Nasyonzini ak travayè imanitè yo te kapab evite.
Yon Vag Pager ki Eksploze Touye Omwens 8 Moun nan Liban, La Siri
Responsab Hezbollah yo di Associated Press omwens 2 pami manm li yo ak yon tifi mouri e plizyè santèn moun blese, lè nouvo kalite pager ke militan yo sèvi te eksploze atravè liban ak La Siri.
Medya nasyonal Libanè yo di eksplozyon yo Madi dewoule nan banlye Beirout ak lot pati peyi a.
Yon responsab Hezbollah di li kwè se Izrayèl ki dèyè atak sa a.
AP mande lame Izrayèl komantè men li derefize.
Izrayèl di travayè èd Nasyonzini ki mouri nan atak sou Lekòl la se manm Hamas
Izrayèl defann atak li sou yon lekòl Nasyonzini ki te tounen abri nan sant Gaza e li di ke tout 6 travayè èd Nasyonzini ki pami 18 moun ki mouri yo se manm Hamas.
Irak ak Iran siyen 14 akò pou ranfòse koperasyon yo
Irak ak Iran siyen 14 akò Mèkredi pou "ranfòse koperasyon" ant 2 peyi vwazen yo. Prezidan Iranyen Massoud Pezeshkian ale Bagdad, pou li fè premye vizit li nan peyi etranje apre li te fin pase nan eleksyon.
Akò sa yo antre nan domèn edikasyon ak kominikasyon, agrikilti ak resous natirèl.
Pezeshkian di pwal gen komite pou kontwole aplikasyon akò sa yo, ki se yon "premye pa nan efò pou ranfòse koperasyon ant Iran ak Irak".
Facebook Forum