Yon lòt kote, rebèl yo fè konnen yo desann yon dronn espyon Etazini ayè dimanch la, e apre sa te pibliye imaj dronn ki kraze a sou flan mòn nan.
Houthi yo pa bay eksplikasyon sou 2 semenn pòz ke yo te pran nan atak sou bato ki ap travèse koridò Lanmè Wouj la, e atak yo te ralanti depi yo te koumanse frap an Novanm pase akoz lagè Izrael ak Hamas nan Gaza a. Men atak yo rekoumanse apre asasinay lidè Hamas, Ismail Haniyeh, nan Iran, peyi ki se prensipal byenfetè pou Houthi yo, pandan gen kè-sote pou lagè a pa gaye nan tout rejyon an.
