Mwayen Oryan
Yon Tribinal Milite Izrayelyen ap Tande Dosye 9 Sòlda yo Akize de Abi Seksyel on Prizonye Palestinyen
Yon tribinal militè Izrayelyen ap tande dosye 9 sòlda ke yo arete epi akize kòm kwa yo te abize yon Palestinyen nan yon enstalasyon misterye kote Izrayèl konn kenbe prizonye Gaza yo pandan lagè a.
Yon avoka defans pou kèk pami solda yo di ankèt la gen pou wè ak abi seksyèl.
Ankèt la ogmante tansyon and komandman militè a ak nasyonalis liy di nan gouvènman an ki ta renmen wè Izrayèl gen konpotman ki pi kanson fè toujou nan lagè Gaza a.
Odisyon madi a, kote jij yo sipoze pran yon desisyon sou si yo ta dwe pwolonje detansyon sòlda yo taka soulve nouvo pwotestasyon bò kote moun ki apiye sòlda yo.
See all News Updates of the Day
Diplomat Ameriken yo ak Anvwaye Spesyal pou Otaj yo Vizite Siri
ASHINGTON (AP) — Premye diplomat ameriken yo te vizite peyi Siri depi Prezidan Bashar Assad rache manyòk li nan kòmansman mwa sa a, nan Damas pou yo fè yon chita pale ak nouvo lidèchip peyi a epi chèche enfòmasyon sou kote jounalis Ameriken ki disparèt la, Austin Tice ye.
Depatman Deta te di byen bonè Vandredi diplomat an chèf pou Mwayen Oryan Barbara Leaf, ansyen anvwaye espesyal pou peyi Siri Daniel Rubinstein, ak anvwaye an chèf administrasyon Biden pou negosyasyon otaj, Roger Carstens, nan chita pale ak lidè pwovizwa peyi Siri yo.
Prensipal pwen nan ajanda yo se jwenn enfòmasyon sou Tice. Epi yo pral pouse prensip enklizyon ak rejè teworis nan administrasyon an ki enpòtan anpil pou Etazini sipòte yon nouvo gouvènman.
Putin mande Izrayèl Retire Twoup li yo "sou Teritwa Siryen an"
Prezidan Ris Vladimir Putin te mande Izrayèl pou retire twoup li yo nan "teritwa peyi Siri", yo te deplwaye nan yon zòn tanpon Nasyonzini kontwole ki separe 2 peyi yo sou Plato Golan an.
Putin mande Izrayèl pou Retire Twoup li yo "nan Teritwa Siryen an"
Prezidan Ris Vladimir Putin te mande Izrayèl pou retire twoup li yo nan "teritwa peyi Siri", yo te deplwaye nan yon zòn tanpon Nasyonzini kontwole ki separe 2 peyi yo sou Plato Golan an.
"Nou espere Izrayèl pral retire kò l sou teritwa siryen an yon moman done," lidè Ris la, peyi l sèvi kòm refij pou Bashar al-Assad, te deklare.
"Prensipal benefisyè evènman yo nan peyi Siri se Izrayèl. Larisi kondane nenpòt teritwa siryen ki sezi," li te ajoute pandan gwo konferans pou laprès anyèl li.
Izrayel Atake Depo Militè Moun Aram yo
Izrayèl lanse plizyè dizèn lòt atak ayeryen sou vwazen l Lasiri pandan wikenn nan, li di menas yo ki pa kanpe menase sekirite li. Nouvo lidèchip lasiri a rele menas sa yo yon fo pretèks, e li ajoute ke li pa gen okenn entansyon pou nouvo konfli.
Lame Ameriken di li Elimine 12 Manm ISIS nan Yon Atak nan La Siri
Lame Ameriken an anonse li touye 12 manm gwoup Eta Islamik la Lendi 16 desanm nan pandan yon atak aeryen nan Siri ki vize "lidè, konbatan ak kan" gwoup jihadis la.
Atak sa yo, ki te fèt dapre Washington nan zòn ki te kontwole pa ansyen rejim Bashar al-Assad.
Kòmandman militè a te di nan yon deklarasyon (Centcom) ke objektif atak sa yo an patikilye se anpeche ISIS "al rekonstitye tèt li nan sant peyi Siri" .
Facebook Forum