Avoka Akizasyon yo eseye prezante aktè Alec Baldwin tankou yon moun ki pa okipe règleman e ki pa tèlman preokipe pa mezi sekirite - premye jounen pwosè li nan eta Nouvo Meksik. Yo akize misye nan dosye asasina yon sineyas.
Mèt espesyal Erlinda Ocampo Johnson refere a Baldwin plizyè fwa tankou yon moun kap jwe "ann pretann" ak yon revolvè sou sèn film ki rele "Rust" la.
Avoka a di sa te debouche sou gwo danje ak lanmo sineyas Halnya Hutchins.
Avoka Baldwin limenm, Alex Spiro di manm juri a ke aktè a te sèlman te fè sa aktè toujou fè - aji tankou pèsonaj li tap jwe nan film nan.
Avoka a dekri lanmo sineyas la tankou yon "trajedi ke li pa gen bouch pou l dekri" men ke Baldwin pat komèt okenn krim.
