Mwayen Oryan
Izrayèl Mande 'Tout Moun Gaza' Kraze yon Kite sa pou Sid la
Lame Izrayèl ankouraje tout Palestinyen pou yo pati kite Gaza siti epi pran direksyon sid la.
Lòd evakyasyon an endike Izrayèl ap pouse pou pi devan ak yon nouvo ofansiv atravè nò a, sid la ak sant Gaza kote plizyè douzèn moun mouri pandan 48 hè ki pase yo.
Ogmantasyon nan aktivite militè yo vini nan moman medyatè Ameriken, Ejipsyen ak Kataryen ap rankontre responsab Izrayelyen yo nan vil Doha nan Katar kote yap diskite sou yon plan seselfe ak gwoup militan Hamas la.
Izrayèl enfòme moun Gaza de lòd evakyasyon an ak trak li lage toupatou Mèkredi kote li ankouraje "tout moun Gaza Siti" pou yo pran 2 wout sekirize pou al nan sid la, pi presizeman nan vil santral ki rele Deir al Balah a.
See all News Updates of the Day
Dyaspora Siryen Tounen nan Peyi yo Abo Premye Vol Ayeryen an
Dyaspora Siryen ki te kouri kite La Siri anba rejim Assad la retounen nan peyi natal yo epi resevwa akey chalere.
Lopital Izrayelyen an Di Netanyahu Te Sibi Avèk Siksè Operasyon Pwostat
TEL AVIV, Izrayèl (AP) — Yon lopital Izrayelyen an di Premye Minis Benjamin Netanyahu te sibi operasyon pwostat li avèk siksè.
Sant medikal Hadassah nan Jerizalèm te di yo te retire pwostat li byen ta dimanch e li ap reprann li.
Biwo Netanyahu a te di Minis Jistis la, Yariv Levin, yon alye pwòch, ta pral sèvi kòm premye minis enterimè pandan pwosedi a.
Doktè yo te bay lòd operasyon an apre yo te detekte yon enfeksyon semenn pase a. Netanyahu ap rete lopital pou plizyè jou.
Avèk tout anje ki genyen yo, sante Netanyahu nan moman lagè a, se yon enkyetid pou Izrayelyen yo ak rès mond lan.
Taliban Yo di Atak Ayeryen Pakistanè Touye 46 Moun nan Lès Afganistan
ESHAWAR, Pakistan (AP) — Yon ofisyèl gouvènman Taliban di atak ayeryen Pakistan yo sou lès Afganistan te touye 46 moun, sitou fanm ak timoun.
PHamdullah Fitrat, pòtpawòl adjwen gouvènman afgan an, te di moun ki te mouri nan frap sa, ki te vize kat lokal nan Barmal, yon distri nan pwovens Paktika, se refijye.
Sa a rive yon jou apre ofisyèl sekirite Pakistanè yo, ki te pale sou kondisyon anonim, jan règleman yo mande sa, te di Associated Press operasyon Madi a sete pou kraze yon sant fòmasyon epi touye rebèl.
Pakistan pa fè kòmantè sou frap yo, sepandan, nan Mèkredi, militè Pakistanè a te di fòs sekirite yo touye 13 rebèl nan yon operasyon lannwit lan.
Izrayèl di Li Pap Abandone Zòn Fwotyè yo ak Lasiri
Gouvènman Izrayelyen an anonse li pap abandone zòn tanpon li okipe sou fwontyè ant peyi a ak Siri toutotan sekirite rezidan nan Mòn Golan yo pa garanti.
Siri: Nouvo Pouvwa a anonse Entegrasyon Rebèl Yo Nan Ministè Defans Peyi a
Nouvo otorite siryen yo te anonse Madi yon akò ak "tout gwoup ame" pou kraze yo, yo presize yo pral entegre yo nan Ministè Defans lan.
"Yon reyinyon chèf" gwoup ame yo ak nouvo lidè peyi Siri a Ahmad al-Shareh "a debouche sou yon akò pou kraze tout gwoup yo ak entegrasyon yo anba sipèvizyon Ministè Defans lan", ajans ofisyèl Sana ak nouvo otorite yo te endike sou kont Telegram yo.
Facebook Forum