Men, pou bay popilasyon an asirans, apre tout move ekperyans ke pèp la te viv nan deplwayman fòs etranje ki te fèt deja nan peyi a, li presize ke travay fòs miltinasyonal la se "akonpaye lapolis".
Garry Conille, ki te deja Premye Minis pou yon ti bout tan nan ane 2011-2012 ensiste pou di "Responsablite pou retabli sekirite se dabò responsablite ayisyen,".
Li di : Misyon an se "pa ranplase fòs polis la.
Se pote yon sipò ann ijans ki bay lapolis ak lame nou tan pou ranfòse kapasite yo pou yo byen jwe wòl yo".
"Tout sa ke otorite ayisyen yo te prevwa ak prepare," se sa ki pwal fèt an konsiltasyon ak fòs miltinasyonal la, se pawòl Conille ki kontinye pou di : "Nou moute yon 'fòs travay’ ki reyini manm lapolis ak lame e ki kounye a ap konsidere estrateji klè pou li ka fè pwogrè sou kesyon sekirite".
