Ekip kanpay pou advèsè Trump nan eleksyon an, ki se Prezidan Demokrat Joe Biden, deklare desizyon jiri New York pou kondane yon ansyen prezidan moutre ke pèsonn pa sou tèt lalwa.
“Donald Trump deja fè erè lè li te kwè ke li pa t-ap janm wè konsekans aksyon-li lè li te vyole lalwa nan pwòp avantaj li,” se sa ekip kanpay Biden-Harris-la di nan yon deklarasyon.
Ekip kanpay Trump deklare ke li pa te ka gen yon pwosè onèt nan youn nan zonn ki pi liberal nan nasyon an, ki gen sèlman 5 ou 6 pousan Repibliken.
Lidè Chanm Depite Mike Johnson, ki nan tèt pati Repibliken an nan Chanm nan, di nan yon deklarasyon, “Jodi a se yon jou lawont nan istwa Etazini. Demokrat yo ap bat bravo deske yo kondane yon lidè nan pati opozisyon an anba akizasyon ridikil, ki baze sou temwayaj yon kriminèl kondane ke bawo avoka mete deyò. Sete senpman yon ekzèsis politik, pa yon ekzèsis legal.
--
