An tou, yon afè 105.000 prizonye jwenn liberasyon yo ant 2022 ak 2023, dapre sa media yo rapòte, kote yo site chif ki parèt nan jounal sèvis prizon nan LaRisi.
LaRisi se youn nan peyi nan mond la ki gen plis prizonye, kote li gen yon gwo rezo prizon ak kan travo fòse nan tout teritwa li a ki gen 11 lè diferan.
LaRisi rekrite prizonye pou goumen nan Ikrèn depi 2022, lè Yevgeny Prigozhin, defen chef gwoup mèsenè Wagner, te koumanse mache nan koloni penal yo, ofri prizonye yo padon si yo siviv 6 mwa sou chann batay la.
Prigozhin, ki te pèdi lavi nan yon aksidan avyon ane pase, 2 mwa apre li te fin dirije yon revòlt tou kout kont kèk lidè nan lame ris la, te di li rekrite 50.000 prizonye pou Wagner. Ministè Defans LaRisi a te kontinye rekrite prizonye pou fòmasyon Tanpèt-Z li yo nan Ikrèn.
