“Gè ki ap kontinye nan Gaza a moutre klè kou dlo kòk ke lapè ak estabilite nan rejyon an dwe chita sou yon solisyon pou kesyon palestinyen an,” se pawòl Premye-minis Nòvèj, Jonas Gahr Store. Li di, “Lagè a rive nan nivo ki pi ba a nan konfli Izrayèl Palestin nan ki ap pwolonje. Sityasyon nan Mwayenn Oryan an pa te janm grav konsa depi anpil ane. »
Nòvèj di gen yon gwo konsantman entènasyonal sou nesesite pou gen yon solisyon 2 eta, antwòt te gen yon vòt, mwa sa a, kote yon kokenn majorite nan Asanble Jeneral l-ONU an te rekonèt ke Palestinyen yo kalifye pou yo antre nan òganizasyon mondyal la.
Premye-minis Espay, Pedro Sanchez, di desizyon an te baze sou « lapè, jistis ak lojik. »
