Janet Jackson pral fè 4èm parèt li nan festival Kilti Essence la, ki pral dewoule nan sezon ete a nan vil Nouvèl Orleyan.
Jackson te sipoze prezante spektak nan Sant Smoothie King la 23 Jiyè nan kad vire ron Together Again 2024 li a, men li chanje plan.
Jounal Times-Picayune / New Orleans Advocate rapote ke yo te anile spektak Smoothie King lan e kounyea, Janet Jackson pral prezante spektak pito nan youn pami 3 sware konsè yo nan kad festival anyèl la kap dewoule ane sa a ant 5 Jiyè ak 7 Jiyè nan stad Superdome lan.
Essence poko bay dat presi kote Jackson pral pèfome.
Pwodusè festival yo anonse atis kap patisipe nan seri konsè yo ti kras pa ti kras.
