Sekretè Sekirite Nasyonal Etazini an Alejandro Mayorkas deklare li konsantre sou misyon depatman li an pandan Repibliken yo yomenm ap konsantre sou miz an akizasyon li.
Mayorkas vwayaje Nouyòk pou lanse yon kanpay pou sekirite timoun yo sou entènèt la. Li deklare: "Sena a pral fè sa Sena a konsidere kòm apwopriye" pa rapò ak pwosesis miz an akizasyon an.
Demokrat nan Sena a taka mete fen ann pwosè a anvan agiman yo menm kòmanse.
Senatè Chuck Schumer, ki se prezidan Sena Etazini, gen anpil posibilite pou l mande senatè yo vote pou voye jete 2 dokiman miz an akizasyon apre yo finn prete sèman kòm manm jiri a Mèkredi.
Repibliken yo mande pou avoka akizasyon Lachanm Depite yo jwenn posibilite pou yo esplike rezonman yo.
Lachanm Depite te vote ak yon maj tou mens an Fevriye an favè lide pou lanse yon miz an akizasyon kont Mayorkas pou fason li jere fwontyè Etazini-Meksik la.
