Repòtè ajjans nouvèl Reuters te wè yon elikoptè ki ateri nan anbasad Kanadyen an jedi apremidi (28 mas) pandan yo te konstate tou sòlda kanadyen ki t ap fè pòs devan bilding lan.
Mache prese pou etranje kouri kite Ayiti ogmante pandan avni politik peyi a rete pandye apre gang ame te laji kontwòl yo sou kapital la e vle ale pi lwen.
Konfli sa lakoz lanmò plizyè milye moun epi fòse plizyè santèn milye lòt kouri kite kay yo pou al pran refij lòt kote.
Atak neg ak zam te plis konsantre sou enstalasyon leta pami yo biwo lapolis ak ayewopò entènasyonal Pòtoprens la.
Kanada te di lendi 25 mas ke li ta pral koumanse pa fasilite vwayaj nan peyi vwazen Ayiti, Repiblik Dominikèn - pou Kanadyen ki pi frajil yo, tankou moun ki bezwen swen medikal oswa moun ki gen timoun.
Apeprè 30 Kanadyen ki "pare pou vwayaje", ki gen dokiman nesesè yo deja prezante pou ale, dapre sa otorite yo di.
Gouvènman Kanadyen an t ap travay sou lòt chwa pou ede manm fanmi sitwayen yo ak rezidan pèmanan yo.
