Òganizasyon Trete Atlantik Nò a, l-OTAN, moute drapo Swèd nan katye jeneral li lendi 11 Mas la pou premye fwa depi peyi a te antre ofisyèlman nan alyans la.
Swèd te tounen dènye manm ki antre nan l-OTAN lè li te remèt Etazini dokiman li nan Washington pou li te antre nan alyans la jedi 7 Mas pase.
Prensès Victoria ki se eritye Kouwòn Wayòm Swèd la te nan tèt yon delegasyon nan yon seremoni tou kout ki te dewoule anba lapli devan katye jeneral la ki fèt an vit ak asye e ki toupre Briksèl, kapital peyi Bèljik, kote yon òkès te jwe im nasyonal Swèd la.
Swèd pwal benefisye defans ke alyans la garanti tout manm li, kote yo konsidere ke yon atak kont yon manm se yon atak kont yo tout.
