Pistorius te evite parèt devan kamera jounalis yo, "kounyea li lakay li" sou libète, provizwa, yo te kondane l paske li te touye konpayon li Reeva Steenkamp.
Ansyen atlèt 37-zan an, ki gen 2 fo janm, te jwenn kondanasyon li apre yo di li te touye menaj li -- dosye sila te atire atansyon mond lan, apre li pase 9 ane nan prizon sou 11 yo mete li an libète pwovizwa. Yo te lage li byen bonè nan maten an.
Sèvis prizon an nan yon deklarasyon konfime liberasyon sou kondisyon atlèt la "Li te admèt nan sistèm koreksyon kominotè a epi li kounyea lakay li,"
Jounalis AFP yo te remake ke machin yo te kite sant penitansye a byen bonè nan maten, men fenèt machin yo te tente sa ki te anpeche yo wè atlèt la.
Pistorius te chanpyon Paralenpik 6 fwa nan karyè li, pou kounyea yo entèdi li pale ak medya yo.
Nan kondisyon yo libere yo li selman gen dwa mennen aktivite nan katye Waterkloof, ki toupre Pretoria, kote kay tonton li sitye.
Nan yon deklarasyon ekri AFP te resevwa kèk minit anvan anons ke yo ap lage Pistorius la, manman viktim nan te deklare ke moun ki pwòch Reeva Steenkamp yo menm te "kondane pou lavi" paske yo pap janm wè Reeva ke Pistorius te touye.
June Steenkamp kontinye poul di "Noumenm, ki toujou vivan isit la, yo kondane nou pou lavi".
Dapre Steenkamp pa ka gen jistis paske "moun li renmen an pap janm tounen".
Fanmi Steenkamp pa t 'fòmèlman opoze a liberasyon kondisyonèl ansyen chanpyon an.
Men, June Steenkamp te toujou di ke li pa kwè "vèsyon Oscar " te bay tribinal la sou kòman pitit li a te mouri.
