Reprezantan an fè konnen sitiyaston an vin pi grav nan mwa ki pase yo, kote krim gang yo rive nan yon nivo rekò nan peyi a.
Chèf Binuh an Maria Isabel Salvador deklare devan Konsèy Sekirite Nasyonzini an "Malerezman, sitiyasyon sekirite sou teren an ap vin pi mal, kote vyolans gang ki ap ogmante mete lavi ayisyen yo an dezòd, kote krim ogmante anpil." Chèf Binuh a espere ke deplwaman yon fòs entèvansyon miltinasyonal kapab amelyore sitiyasyon an.
Dapre rapò ke Sekretè Jeneral Nasyonzini an pibliye Lendi sou Ayiti, "zak asasinay ak kidnaping fè sitiyasyon an vin pi grav nan peyi a, sitou nan depatman Lwès ak Latibonit".
Kidonk, ant 1ye jiyè ak 30 septanm, polis nasyonal la rapòte 1,239 omisid, konpare ak 577 pandan menm peryòd la an 2022.
Soti an jiyè jiska rive septanm, 701 moun – pami yo 221 fanm, 8 tifi ak 18 ti gason - pèdi lavi yo nan kidnaping, sa ki vle di 244% plis pase nan menm peryòd la an 2022.
