Kantite migran ki travèse Pas Darien nan ki danjre anpil depase yon chif rekò ki se 400,000 nan mwad Septanm nan, dapre done ofisyèl yo.
Nap raple ke Pas Darien nan konekte Panama ak Kolonbi e yon pakèt moun travèse l nan moman Etazini ogmante jefò li pou diminye kantite moun ki chwazi pou fè sa.
Gen plis pase mwatye nan migran yo ki se timoun ak ti bebe, dapre sa ministè sekirite Panama a di nan yon deklarasyon. Panama ajoute ke nan mwad Septanm nan kantite migran ki te travèse Pas Darien nan te ogmante pa yon 5em.
Jiskaprezan done yo montre gen 402, 300 migran ki travese pas la. Chif sa a prèske double chif yo te anjejistre an 2022.
Nasyonzuni estime nan mwad Avril la ke 400,000 migran tap travese Pas Darien nan an 2023.
Pi fo migran ki chwazi pou yo tante chans yo nan rak bwa danjre sa a se Venezyelyen, moun peyi Ekwatè, Ayisyen ak kèk lòt peyi ankò, dapre sa ministè Panameyen an fè konnen.
