Yon djèt biznis ki te nan wout pou l soti Moskou pou ale St. Petersburg tonbe Mèkredi, epi touye tout pasaje abo yo, dapre sa sekouris Ris yo fè konnen.
Otorite yo di non chèf gwoup mèsenè Yevgeny Prigozhin te sou lis pasaje yo, men li poko klè si vreman vre misye te nan avyon an.
Gen rapo ki pa konfime ki di djèt la te pou Prigozhin, ki se fondatè konpayi milite prive Wagner la.
Regilatè aviyasyon sivil Larisi a, Rosaviatsia, deklare Prigozhin te sou lis pasaje yo.
Sepandan li pa klè pou kounyea si misye te monte nan avyon an.
Fòs milite Wagner Prigozhin lan te goumen bò kote lame Ris la nan Ikren, epi li te monte yon rebelyon ki pat dire lontan kont lide milite peyi a nan mwad Jyen pase a.
Kremlen an te di li pral egzile misye Belarus, e ke konbatan li yo te ka swa pran retret yo, swa suiv misye nan Belarus, swa enskri nan lame Ris la.
