Virgin Galactic lanse yon navèt nan lespas ki transpòte premye gwoup touris li. Gen youn nan pasaje yo ki achte biyè li, sa gen 18 an desa.
Vòl touristik la te pase yon peryòd tou kout nan lespas anvan li te ateri Jedi nan dezè eta Nouvo Meksik la.
Abò navèt la ke yon avyon te lanse, te gen yon ansyen atlèt olenpik ki gen maladi Parkinsons, yon manman ak pitit fi li ki se moun Karayib la e ki ranpòte konkou pou ale nan lespas.
Virgin Galactic Richard Branson nan deja fè 7 vwayaj nan lespas depi ane 2018. Sepandan sete premye fwa ke li te monte nan syèl la ak yon moun ki achte yon biyè pou fè sa.
Pri biyè yo te koute $200,000 nan kòmansman. Kounyea, pri a se $450,000.
