Majistra Moskou, Sergei Sobyanin, di yo desann youn nan dronn yo nan rejyon Domodedovo o sid kapital la kote gen youn nan aewopò entènasyonal nan Moskou ki gen plis aktivite, e ke yo desann lòt la toupre otowout Minsk alwès vil la.
Sobyanin di pa gen moun ki blese nan ensidan an, ke ministè defans LaRisi dekri kòm yon tantativ "atak teworis".
LaRisi sispèk Ikrèn ap lanse atak dronn sou Moskou depi mwa Me, lè defans aeryen te desann yon dronn ki te vize Kremlen an. Moskou akize Kyèv tou pou yon seri atak ak dronn naval sou pozisyon sivil ak militè nan Lanmè Nwa a.
Ikrèn pa konn ni konfime ni demanti atak sa yo.
