Lajistis Etazini arete 2 matlo Ameriken ke yo akize deske yo te komet yon krim ki gen rapo ak sekirite nasyonal ak lyen ant Etazini ak Lachin.
Otorite federal yo deklare pandan yon konferans pou lapres ka Jinchao Wei, 22 zan jwen arestasyon li pou espyonaj ak konplo. Yo akize l deske li te voye enfomasyon ki gen rapo ak defans nasyonal Etazini bay responsab Chinwa.
Nan dokiman legal yo, yo akize Wei deske li te pran kontak ak yon ajan ranseyman Chinwa nan mwad Fevriye 2022 epi remet li foto ak videyo bato fos naval Etazini.
Gen yon dezyem matlo ki rele Wenheng Zhao ke yo akize nan tribinal federal Los Angeles deske li te koleksyone lajan chantaj an echanj pou foto milite Ameriken sansib ansanm ak videyo pou yon ajan ranseyman Chinwa.
Tou le 2 matlo yo plede non koupab.
