Semèn pase, LaRisi te wete kò li nan yon akò ke Nasyon Zini ak Tiki te jwenn sa gen plis pase yon lane, ki te pèmèt chajman sereyal soti san danje nan pò Ikrèn yo.
Inyon Ewòp la ap konsidere lide pou ede nan transpò sereyal ki ap koute chè pou soti Ikrèn, apre LaRisi fin sispann yon akò ki te pèmèt ekspòtasyon sereyal nan Lanmè Nwa a, aktivite ki enpòtan anpil pou sekirite alimantè nan mond la.
Yon lòt kote, Etazini ap voye bay Ikrèn 400 milyon dola èd militè anplis, ki ap gen antwòt misil anti-aeryen, ti dronn ak machin blende, se sa Pentagòn nan anonse madi.
Yon lòt kote, yon ansyen merin ameriken ki te jwenn libète li nan LaRisi ane pase nan yon boukantay prizonye, resevwa blesi nan batay pou Ikrèn kont fòs Moskou yo, dapre Depatman Deta.