Yon juri nan vil Lond jwenn aktè Kevin Spacey non koupab de abi seksyèl pa rapo ak akizasyon 4 gason lanse kont li 20 an apre swadizan ensidan an.
Manm juri a pwononse desizyon yo apre yo te delibere pandan 3 jou.
3 gason ki te akize loreya pri Oscar la dèske li te manyen yo agresivman epi gen yon jèn aktè ki akize l dèske li te pèfome yon zak seksyèl sou li pandan li tap domi nan apatman Spacey a.
Spacey, ki fèk gen 64 an Mèkredi, plede non koupab a 9 akizasyon yo te lanse kont li. Pami yo te gen plizyè atak seksyèl epi akizasyon dèske li te fè yon moun patisipe nan yon zak seksyèl san konsantman l.
