Lame ris di li desann 2 dronn ki te atake Moskou. Majistra vil la, Sergei Sobyanin, fè konnen 2 bilding kote moun abite donmaje, men pa gen rapò sou moun ki ta viktim.
Ajans nouvèl ris yo di kèk moso dronn te nan zonn Komsomolsky, toupre ministè defans LaRisi a.
Nan Krime, gouvènè ke LaRisi enstale a di yon dronn ki soti Ikrèn frape yon depo minisyon, pandan sistèm defans aeryen li desann 11 dronn.
Pandanstan, otorite nan Ikèn di LaRisi detwi yon depo sereyal e blese pou pi piti 7 moun nan yon dènye atak sou ensfrastrikti pò Odesa. Atak ak dronn jodia frape yon zonn arebò Flèv Danube, nan pati lwès pwovens Odesa.
LaRisi frape rejyon Odesa plizyè fwa depi li te anonse li kite Antant Sereyal Lanmè Nwa a ki te pèmèt chajman sereyal kite san danje pò Ikrèn yo pou travèse Lanmè Nwa a.
