![Nelson Matus, editor del sitio web de noticias Lo Real de Guerrero, en Acapulco. Matus fue baleado el sábado 15 de julio de 2023. [Twitter]](https://gdb.voanews.com/01000000-c0a8-0242-2200-08db86cc3635_w250_r1_s.jpg)
Se youn nan peyi ki pi danjere nan mond la pou jounalis travay akòz vyolans krim òganize.
Direktè yon sit nouvèl lokal Nelson Matus tonbe nan yon pakin toupre yon boutik pwodui bon mache, dapre sa biwo komisè jistis lokal la di, kote li anonse ouvèti yon ankèt pou "krim omisid", e pwomèt pou lajistis pa neglije okenn tras ki ka ede jwenn limyè sou zak sa.
Nelson Matus te gen 15 ane eksperyans kòm jounalis. Li espesyalize nan kouvri zak vyolans nan eta Guerrero nan sidwès peyi a, dapre sa delege nan Meksik pou ONG Repòtè San Fwontyè (RSF), Balbina Flores eksplike AFP.
"Li pa te renmen pale anpil, sitou "lè nouvèl sou zak vyolans yo te sansib".
Yon konfrè jounalis di "Nelson te gen anpil koneksyon ak anpil sous".
8 jiyè pase, yo te jwenn kadav jounalis Luis Martin Sanchez ak tras vyolans sou li, kèk jou apre disparisyon li. Li te korespondan jounal La Jornada nan eta Nayarit nan nòdwès peyi a.
13 jounalis mouri an 2022, sa ki fè se te ane kote plis jounalis pèdi lavi nan Meksik depi ane 2000.
Meksik se youn nan peyi ki pi vyolan nan mond lan, kote plis pase 150 jounalis tonbe depi lane 2000, dapre RSF.
