Jodia, nou rankontre kòm egal-ego. Mwen espere pwal gen yon jou kote nou pwal rankontre kòm alye,” se pawòl Sekretè-Jeneral l-OTAN Jens Stoltenberg.
Nan deklarasyon sou papye madi, lidè yo di yo “ap nan pozisyon pou lonje envitasyon bay Ikrèn pou li antre nan alyans la lè alye yo dakò e lè kondisyon yo reyini.”
Pou Kyèv antre nan l-OTAN nan mitan yon envazyon LaRisi, fòk tout alye yo ta aplike prensip ki di ke “atake youn se atake tout” ki enskri nan atik 5 chart alyans la – ki ta mete manm yo nan konfli dirèk ak Moskou.
Pandan l-OTAN pa trase yon wout eksprès pou Ikrèn antre nan alyans la, li sote pou li sa ki rele Plan Aksyon pou vin Manm, ki se yon lis objektif politik, ekonomik ak militè ke li ta dwe reyini anvan li ta antre nan alyans la.
--
