Sekretè Jeneral Nasyonzini ak Kominote Karayib la (CARICOM) pwomèt Lendi pou yo kontinye pouse pou pi devan ak jefo pou yo ede Ayiti fè fas ak plizyè kriz.
Nan diskou li pwononse nan ouvèti selebrasyon 50èm anivèsè CARICOM nan nan Trinidad ak Tobago, Sekretè Jeneral LONU, Antonio Guterres te deklare li pral kontinye chache asistans pou Polis Naysonal Ayiti.
" Mwen lanse apel anko bay tout patnè mwen yo pou mande yo ogmante sipo yo pou polis nasyonal la nan domèn "finansman, fomasyon ak ekipman. Fok nou kle sou sa. Paka gen sekirite durab san nou pa ranfose enstitusyon demokratik yo e paka gen ranfosman enstitusyon demokratik san yon amelyorasyon drastik nan ensekirite a."
Dokte Carla Bennett, ki se Sekrete Jeneral CARICOM nan di lide Karayib yo nomen yon gwoup pou ede fasilite yon diyalog ak pati prenant Ayisyen yo.
"Nap redi pou jere plizye kriz ki gen pou we ak krim ak ensekirite. Ayiti ap fe fas ak kriz konstitusyonel, politik ak imanite tou. Nan moman kominote nou ap chache ede pep Ayisyen an jwen solisyon efikas pou kriz sa yo, nou nomen yon gwoup pesonaj eminant ki deja komanse fasilite diyalog ant pati prenant Ayisyen yo. Jefo a komanse ak yon rankont lajman laj e enkluzif ki te dewoule nan Jamayik sa gen kek semen."
Nan tet ajenda rankont o some CARICOM la, nou jwenn plan pou entedi zam fann fwa ki fabrike Ozetazini pou pi fo nan kad yon tantativ pou kwape zak vyolans ak zam ak kontrebann zam kap trakaze plizye zile nan rejyon an.
Pami lot sije lide yo ap diskite, nou jwen chanjman klimatik ak ensekirite alimante.
CARICOM se yon unyon politik ak ekonomik ki gen 15 peyi manm ak 5 asosye. Li te tabli an 1973 pou reprezante entere zile ki an vwa devlopman yo.
An 1994, LONU ak CARICOM te siyen yon ako kowoperasyon ki te deside ke tou le 2 antite yo ta dwe gen yon kolaborasyon pwoch e konsilte sou kestyon ki enterese tou le 2 gwoup yo.
Nouvo direkte blok la se Roosvekt Skerrit ki se Premye Minis La Dominik. Li di CARICOM se mouvman entegrasyon ekonomik ki dire pi lontan an nan moun soudevlope a. Li dezyem selman apre Inyon Ewop la.
