Se premye fwa ann Ewòp ke anviwon 40 kamyonèt jòn lapòs yo pral itilize Kawoutchou san van sa yo pandan omwen 2 lane, e fason yo frabrike Kawoutchou sa yo fè ke menm klou pa ka pèse yo.
Konpayi DHL te deja kòmanse yon tès konsa nan Sengapour sou kontinan Azi a.
Depi madi 27 jen an, konpayi oto Citroëns ekspoze 3 premye machin li ki woule ak kawotchou san van sa yo.
Bruno de Feraudy ki se Direktè Seksyon Biznis nan Michelin di: " kawotchou sa yo se yon nouvote, paske yo pa gen okenn van andan yo".
Kawotchou sa yo fèt ann aliminyòm, e Rezon ki fè Michelin fè model sa yo se pou yo ka dire, epi tou pou kliyan pa oblije pèdi tan nan mete van nan Kawotchou yo.
Ak model kawotchou sa yo chofè machin yo pap bezwen pè pou kawotchou yo pa pete sou wout ni yo pap bezwen enkyete pou konnen si kawotchou yo manke van.
Dapre Thomas Thant ki se yon anplwaye lapòs, sansayon lè li ap kondwi machin yo rete nenm jan, e li di li byen kontan patisipe nan pwojè sila.
Michelin vle kòmanse mete model kawotchou a pou vann a pati 2030, epi li ta renmen tou pou kawotchou sa yo plis pwoteje anviwònman an.
Li posib ke lapòs ak lame ta pami premye sèvis ki itilize kawotchou sa yo
