Manm l-OTAN yo te dakò an 2008 pou Ikrèn rantre nan l-OTAN, e chef alyans la, Jens Stoltenberg, repete pozisyon li tout pandan konfli a ke LaRisi te lanse nan Ikrèn ane pase.
Men Stoltenberg di li pa posib pou Ikrèn antre nan l-OTAN pandan li nan konfli a e li te di, semèn pase, nan preparasyon pou somè a nan Vilnius, « nou p ap pale de lanse yon envitasyon ofisyèl. »
Stoltenberg te di lendi pandan yon vizit nan Lituani, « Nan somè a, nou pwal antann nou sou yon pwogram asistans pou plizyè lane, e ranfòse relasyon politik nou ak Ikrèn. Sa pwal mete Ikrèn pi pre vrè plas li nan l-OTAN. »
