Moun ki sèvi ak aplikasyon tankou Venmo, PayPal ak CashApp pa dwe sere lajan yo sou app sa yo a lon tèm paske lajan an pa pwoteje pa asirans bank yo genyen pou pwoteje lajan moun depoze nan kont yo.
Se avètisman sa a ke Biwo Pwoteksyon Finansye Konsomatè yo lanse Jedi.
Alèt la vini nan moman bank Silicon Valley, Signature Bank ak First Republik Bank fè fayit.
Enstitisyon sa yo te fè fas ak yon gwo mank lajan apre kliyan ki te krenn pou lajan yo depoze a ki pat kouvri pa asirans tapral disparèt donk yo te rale l soti nan kont yo.
Lajan moun sere sou app peman yo pa chita nan yon kont an bank tradisyonèl.
Kidonk, si gen yon evenman parèy ak sak te rive ak bank sa yo, lajan moun sere nan app peman yo taka pa gen okenn pwoteksyon.
