HARTFORD, Connecticut (AP) — La jistis pral bay santans pou yon Democrat ki se yon ansyen depite nan palman eta Connecticut anba akizasyon ke li ta vòlè plis pase 1.2 milyon dola nan vil West Haven epi sèvi ak yon ti moso ladan l pou jwèt aza.
Michael DiMassa ap parèt nan tribinal federal nan Hartford Mèkredi 31 Me a.
Li kapab resevwa santans omwen 41 a 51 mwa prizon dapre regleman lwa federal yo.
Demokrat la te travay tou pou Konsèy Kominal vil West Haven lè vòl yo te fèt la.
Lajistis akize li kòmkwa li te nan konfyolo ak plizyè lòt moun, pami yo madanm li, pou voye bòdwo bay vil la pou sèvis yo pa janm bay.
Pifò nan lajan ke yo te vòlè a sete lajan èd federal ki gen rapò ak coronavirus.
DiMassa te plede koupab nan mwa Novanm pou twa akizasyon konplo ak fwod ki te sou do li.
