Gouvènè eta Texas la, Repibliken Greg Abbott, bay lòd lendi pou deplwaye plizyè santèn Gad Nasyonal sou fwontyè Etazini ak Meksik pou fè fas ak yon foul imigran ki espere antre sou teritwa ameriken an apre otorite yo fin leve Tit 42 a, kote li akize administrasyon Biden nan li di ki responsab "dezòd" sila.
Administrasyon Demokrat la bay lòd eta pou gouvènman federal la leve "Tit 42" nan fen semèn nan, yon lwa ke ansyen administrasyon Trump lan te rale pou mete ann aplikasyon nan epòk pandemi Covid-19 la, sa ki te pèmèt otorite imigrasyon yo mete deyò san pèdi tan tout migran ki travèse fwontyè a, e menm sa yo ki vin chèche azil.
Greg Abbott di nan yon deklarasyon “ak Tit 42 a ki ap pran fen Jedi 11 Me a, Prezidan Biden ap dewoule tapi wouj pou tout moun nan mond lan,"
Gouvènè a ak tout Repibliken yo atake Joe Biden san rete, kote yo di li fè fwontyè ak Meksik la tounen yon paswa.
Greg Abbott anonse li ap deplwaye elikoptè, avyon militè ansanm ak "sòlda ki resevwa fòmasyon espesyal ke Fòs Taktik sou Fwontyè Texas la ba yo, e yo pral pran pozisyon nan zòn ki cho sou fwontyè a pou ede bare epi repouse gwo gwoup migran k ap chache antre Texas ilegalman."
