Politisyen an ki gen 70 lane sou tèt li jwenn arestasyon li lè li t ap pare pou li tande depozisyon kote tribunal la ta pwal site dè douzèn akizasyon kont li, soti nan swadizan zak teworis ak kòripsyon pou rive nan trayizon ak lòt ofans kriminèl.
Avoka ki ap defann Khan yo fè konnen fòs paramilitè te sakaje li fizikman anvan yo te ale ak li e remèt li bay otorite ki te akonpaye yo. Pati Khan nan kritike arestasyon li a.
“Sa se leta ki ap fè teworis – antre nan lokal Gran Tribinal Islamabad la pou fè dappiyan sou Imran Khan nan tribunal la menm, Sa se lalwa bèt savann ki ap travay. Ajan sekirite bat avoka, fè vyolans sou Imran Khan, e fè dappiyan sou li,” se sa ki di nan yon tweet Shireen Mazari, yon gwo manm ekip lidè opozisyon an, e Tweet la gen yon video ki moutre swadizan aksyon manm sèvis sekirite a yo.
Minis Enteryè Pakistan, Rana Sanaullah, konfime arestasyon Khan nan, kote li rejte akizasyon atak fizik yo e li pale ak laprès lokal de yon pwosè pou kòripsyon kont politisyen opozisyon an.
