John Kirby, ki se pòtpawòl Konsèy Sekirite Nasyonal pou egzekitif ameriken an, di repòtè yo: "Nou panse ke se yon bon bagay."
"Kidonk si sa ka debouche sou yon bagay serye, yon plan lapè, pou kounyea nou pa konnen," se pawòl Kirby.
Xi Jinping te asire Volodymyr Zelensky ke Lachin te "toujou sou bò lapè" e nan konvèsasyon sa a li mande "negosyasyon". Bò kote pa l, Msye Zelensky ensiste pou l di li te gen yon « bon jan konvèsasyon ki te long » ak Msye Xi.
24 fevriye, yon ane jou pou jou apre envazyon Ris la te tanmen nan Ikrèn, Peken pibliye yon dokiman an 12 pwen ki mande pou Moskou ak Kyiv fè chita-tande lapè.
Msye Kirby kontinye pou l di : « Pou yon mouvman lapè ka solid oswa pou moun fè li konfyans, fòk li gen Ikrenyen ladann ak Prezidan Zelensky pèsonèlman, fòk yo enplike ladann e fòk yo sipòte li".
