Depatman Deta ameriken pa te pale touswit sou pawòl refi ke jounalis yo ta jwenn nan. « Etazini pran oserye obligasyon li kòm peyi ki gen syèj l-ONU lakay li nan kad Akò Katye Jeneral l-ONU an, antwòt sou kesyon viza, » se sa yon pòtpawòl Depatman Deta di nan yon kominike.
Jounalis yo te vle al kouvri prezantasyon Lavrov nan Nasyon Zini kote LaRisi pwal pran tèt Konsèy Sekirite a.
« Yon peyi ki rele tèt li peyi ki pi solid, pi entelijan, lib e onèt, li pase anba e fè yon bagay estipid kote li moutre ki sa sa vo, lè li sèmante pou bay asirans ke li ap pwoteje libète lapawòl e kite moun jwenn enfòmasyon. » Se konsa Lavrov te pale lè li t ap kite Moskou dimanch.
Li ajoute, « Nou mèt sèten ke nou pap bliye sa e ke nou p ap padone l. »
