Lajistis Ameriken akize 4 Ameriken ki afilye ak yon gwoup politik nwa ansanm ak 3 Ris dèske yo te konplote pou kreye zizani nan mitan sosyete a, epi pwopaje pwopagann Ris epi entèfere ak eleksyon Etazini.
Yon dokiman legal yo pibliye Madi ajoute nouvo akize yo sou lis yon pwosè ki deja ap dewoule nan tribinal federal vil Tampa, eta Florid.
Nan pwosè sa a, lajistis akize Alesandr Ionov ke pwokirè yo dekri tankou fondatè yon oganizasyon ki gen baz li nan Moskou e ke gouvènman Ris la finanse e ki gen kom bi pou mennen yon kanpay enfliyans Ozetazini.
Ameriken yo yomenm, se manm Pati Sosyalis Popilè Afriken an ak Mouvman Uhuru a, ki gen biwo nan vil St. Petersburg, Florid epi St. Louis, nan eta Missouri.
