Vizit Ma Zhaoxu a se dènye siy ke relasyon diplomatik ant Canberra ak Peken ap lache apre dèz ane chire-pit. Vizit Ma, ki se Asistan Minis Afè Etranjè an Chin, vini nan moman 2 peyi yo ap antann yo pou rezoud yon mezantant sou enpòtasyon kèk pwodui.
Ma pwal fè chita-koze jodi mèkredi a ak otorite nan gouvènman Ostrali a.
Se premye vizit yon otorite wo-plase chinwa depi relasyon te koumanse gate ant 2 peyi yo poutèt LaChin ta antre bouch nan afè entèn Ostrali.
