Pòtpawòl gouvènman an, Jean-Emmanuel Ouedraogo, anonse desizyon an lendi nan yon deklarasyon ki fè konnen Burkina Faso ap bloke pwogram France 24 yo akòz yon entèvyou ke medya sa te fè ak lidè yon gwoup al-Qaida.
Dapre li, France 24 te aji kòm yon ajans kominikasyon pou gwoup jihadis yo e ke li te ba yo espas pou yo prezante aksyon yo kòm lejitim.
Konbatan Jihadis ki konekte ak al-Qaida e ak gwoup Eta Islamik la ap komèt anpil zak vyolans nan Burkina Faso depi 7 lane, sa ki lakoz dè milye moun pèdi lavi e fòse prèske 2 milyon lòt kite kay yo.
