Nan diskou li devan Palman Inyon Ewòp la nan Briksèl, Zelenskyy remèsi lidè Inyon an yo pou asistans ke yo kontinye bay peyi li e li di Ikrèn ap ranpòte laviktwa nan lagè a e ap vin manm Inyon an.
Alatèt Palman Ewòp la Roberta Metsola di li sipòte apèl Zelenskyy pou plis sipò. « Nou konnen sakrifis ke pèp ou a andire pou Ewòp e nou dwe onore li pa sèlman ak pawòl, men ak aksyon. » se pawòl Metsola ki ajoute, « Djèt ke nou bezwen pou pwoteje libète ke twòp nan nou pran kòm garanti. »
Yon lòt kote, Ikrèn fè konnen LaRisi kontinye ap bonbade rejyon ès peyi a ak kout kanno, nan sa ke otorite nan Kyèv panse se yon nouvo efò pou make anivèsè envazyon an.
