Youn nan pi gran faktori tekstil an Ayiti fe konnen lap fèmen pòt li epi kite ale 3,500 anplwaye nan sa ki reprezante yon gwo kou pou ekonomi Ayiti ki deja an degraba.
S&H Global fe konnen nan yon deklarasyon li pibliye Jedi, ke grèv ak manifestasyon lakoz li oblije ranvwaye livrezon machandiz li, moun anile komann yo epi gen lòt pwoblèm ankò li konstate.
Se yon konpayi Sid Koreyen ki fè rad ki rele Sae-A Trading Co. Ltd ki se pwopriyetè konpayi tekstil sa a.
S&H Global di kliyan li deside sèvi ak founisè materyo yo ka fè plis konfyans epi faktori ki sitye nan lòt peyi nan Karayib la ak Amerik Santral la.
Anons la vini nan moman Ayiti ap fè fas ak yon kriz alimantè ak imanitè epi yon gwo ogmantasyon nan zak vyolans gang yo.
S&H Global se youn nan prensipal faktori ki gen katye jeneral li nan pak endistriyèl Etazini apiye nan nò Ayiti ki rele Caracol. Pak la te louvri pòt li an 2012 e li se pi gwo anplwaye prive nan peyi a.
Nan moman an, S&H Global te anonse lap envesti plis pase $70 milyon pou kreye yon afè 20,000 djòb.
Responsab Asosyasyon Endistri Ayiti a poko reponn demann Associated Press fè pou kòmantè.
