Prezidan Joe Biden ki kounye-a ap fè vakans nan Zil Vyèj ameriken yo, di l-ap pran tan-l nan sezon fèt-la pou-l pale ak fanmi-li pou konnen si l-ap chache re-eli an 2024.
Dirijan-yo nan Pati Demokrat-la di yo preske sèten ke Biden ap kandida ankò. Men eske l-ap ka jwenn nominasyon pati-a?
Youn nan meyè kote pou yon moun chache respons kesyon sa-a se nan awondisman Prince George nan Maryland, kote Biden te resevwa 89 pousan sipò – pi gwo pousantaj nan eleksyon jeneral 2020 an.
Se sèlman yon ka nan 400-mil moun ki kalifye pou vote nan Prince George, ki konn lage bilten nan gwo eleksyon. Demokrat-yo preske asire ke y-ap gen viktwa nan pi gran awondisman Nwa Ameriken nan Etazini-an.
Sa ki enpòtan pou elektè nan tou le 2 pati-yo se laj Biden, ki deja prezidan ki pi granmoun nan istwa Etazini, ki ta gen 86 lane lè li ta fini yon 2èm manda. Men nan tout peyi-a kote li te devan nan sondaj an 2016, èske l-ap ka bat tout lòt kandida ki pwal nan eleksyon primè an 2024.
