"Black Friday" (Vandredi Nwa) make yon retou abitid konsomatè Ameriken yo genyen pou yo chache bon afè nan magazen ane sa a - men enflasyon an, ki ogmante 17 wotè, jete yon lombraj sou jounen an.
Tout bagay koute tèt nèg kounyea, soti depi nan manje pou rive nan lwaye, gazolin ak lot pwodwi premye nesesite.
Kom rezilta anpil Ameriken pa tèlman vle al depanse kòb yo, amwenske gen yon gwo rabè - e menm ak sa - yap chwazi ak plis prekosyon kisa yo achte. Nan anpil ka, konsomatè yo chwazi pwodwi ki koute bon mache nan magazen ki ofri pi bon pri.
Konsomatè Ameriken yo ap pran lajan yo ekonomize tou pou achte bagay yo bezwen, oubyen yo pwofite sèvi ak pwogram ki kite yo "achte kounyea epi peye pi ta".
Gen lòt endikasyon ki montre konsomatè Ameriken yo ap achte kredi pi plis, nan moman kote Rezèv Federal la (Bank Santral Etazini) ap ogmante to enterè yo pou rafredi ekonomi Amerikèn nan.
